Zorte on Jagoba!!

Zurrumurruak azkenean egia!;Jagoba Arrasate Berritxuarra izanen da hurrengo denboraldian Errealeko entrenatzailea.Etxeko taldeak, etxeko entrenatzailea falta zuen! urte baterako kontratua izan arren, hurrengo urtekoa ibilbide luze baten lehena izatea espero dugu!Zorte on Jagoba!

Bota Bertsoa!!

Gaur primizia ttiki bat.Hurrengo astean kaleratuko da Ttipi-Ttapa aldizkariko hurrengo alea. Ale hortan, "Bota Bertsoa" atalerako bertso batzuk eskatu zizkidaten.zeri kantatuko eta Errealaren "hazaina" ezin albo batera utzi! hona hemen, primizia bezala, bi bertsoak:

IZENBURUA:Reala “Txanpions”en”

DOINUA: afari ikaragarri

1-Errealaren lorpenak

aipatu nahiko nituzke

denboraldi ahaztezin hau

edozein taldek nahi luke!

Barsa, Atletik, Atletiko,...

garaipen aina ezuste

kritikak, ta aurkariak,

biak gainditu dituzte.(ber)

Laugarren postua lortu

ta balentriaren truke

Txanpions-ean jokatzeko

txartela eskutan dute.

ta lorpena, ospatzeko

modukoa da nik uste;

ai, nork imajinatu hau

orain dela hiru urte?

2-Eguberri parte hortan,

zenbat “Montañer dimision”!

orain joan dela eta:

”zaleak aunitz zor zion,...”

Hankak lurrean jartzeak

igual, egingo digu on

nola kanporaketa bat

gure esperuan dagon; (ber)

presta bitez, Shalke, Zenit,

Milan, Arsenal ta Lyon!

nahiz ta ez diren berdinak

”Europa League” ta “Txanpion”,

jokatu ahal izate hutsa

ze gozamen, ze zorion?

behin aukera izango ta

beldurrez ezin da egon!(ber)

Julen Zelaieta 

Gaur da eguna!

Gaur da eguna!. aunitzeri duela hamar urtekoa etorriko zaio gogora; Vigon eskutik ihes egindako liga hura. Egun hartan, ilusioa zen nagusi,eta ez zen guttiagorako! Errealak aukera paregabea zuen;bertzeak bertze,Arkonada, Gorriz Satrustegi, eta nola ez, Genaro zenak lortutako balentria bera lortzekotan zen; Liga titulua.


Bi jardunaldi bertzerik ez ziren gelditzen. Bi jardunaldi,urrezko sei puntu. Vigora hurbildutako 9000 zalek hiriko alde zaharra txuri urdinez jauntzi zuten.Zale aunitzek seguraski ahotsa hiriko kaleetan edo Balaidosko harmailetan utzi izanen zuten.Tamalez, zintzurren gisan, hiru puntuak ere bertan gelditu ziren, eta Real Madrilek azken jardunaldian ez zuen barkatu.Hala ere, egun bateko penak gainditu eta txapeldunordetza liga irabazi balitz bezala ospatu genuen.

Hamar urte pasatu dire, hamar urte zail eta taldeak nortasuna berreskuratu duen hontan berriz ere aukera eder baten aintzinean gaude.Orain ere bi jardunaldi gelditzen dire, orain ere urrezko sei puntu,eta orain ere ilusioa da nagusi. Txapeldunen ligarako sailkapena ez da ,noski, Liga titulu bat irabaztea baina zenbait urtez taldea bigarren mailan arrastaka ikusita sufritu dugunontzat, Txapeldunen ligarako txartela lortu ahal izatea gauza haundia da,Zer erranik ez, etxeko jokalariekin oinarritutako Erreala bezelako talde batentzat.

Galtzeko deus gutti;txarrenera jota,Europa Leaguerako zuzeneko txartela ere hor dago, baina ez gara horrekin konformatzen, gehiago nahi dugu: hurrengo urtean kamisetako maukan, goiko baloi izardun hori ikusi nahi dugu;diz-diz egiten duten izarrez betetako hori.

Gure esku dago ametsa egin bihurtzea. Ez da errexa izanen, Real Madrilek jokoan deus ez izan arren,ez baitu oparirik egiten! hori bai, zerbait alde badugu, hori jokalari kopurua da. Normalean Txurien aurkako partiduetan epaileen joerari keinu bat eginez erraten da, 11 jokalari 12ren kontra aritzea bezala izaten dela ,baina gaur ez da halakorik izanen, eurak 12 izan daitezke baina gu 32.087 izanen gara!

Bartzelona erori zen, Atletiko Madrili bere etxean irabazi zitzaion, zeharka begiratzen dugun Valentzia bera ere menpean hartu zuten Txuri urdinek...Real Madril-a zergatik ez?

Zaleek aunitz dugu errateko;leher dadila Anoeta, zelai hotzaren mitoa hautsi eta jokalariek senti dezatela gure beroa! gaur da eguna, orain da momentua!

goazen Erreala!!

ah! eta ez bada posible,..ba egun bateko pena bertzerik ez dadila izan!

GORA ERREALA!!

Genaro Taldeko IV. mus txapelketa

     

Atzo (apirilaren 7) Eskualdeko Errealzaleen Genaro Taldeak antolatutako  IV. Genaro Taldea Mus txapelketa jokatu zen  Berako Xuga ostatuan. laugarren aldi honetan 18 bikotek parte hartu zuten, azkeneko aldian baino 5 bikote gehiagok. Hainbat kanporaketa pasatu ostean bi bikotek jokatu zuten final haundia; Joxe Mari eta Joanito 

Zelaieta anaiek batetik  eta Asier Saragueta eta Xabi Irazoki beratarrek bertzetik. Bertan anaia zenari  omen eginez,Zelaietatarrak izan ziren nagusi, beraz, lehen saria etxean gelditu zela erran dezakegu. Asier eta Xabik aldiz bigarren sariarekin konformatu behar izan zuten. txapeldunek, garaikurraz gain,Xugan bazkari bana,Erreala-Real Madril partidua ikustera joateko sarrera bana eta Genaro Taldeko bufanda eder bana eskuratu zituzten. Txapeldunordeek aldiz Bildots erdi bana eta Genaro Taldeko bufanda bana.Hirugarren saria Txelu Oiartzabal eta Estibaliz Berroeta beratarrentzat izan zen eta hauek ardo eta txanpain lote bana eta Genaro Taldeko bufanda banarekin joan ziren etxera.

Genaro Taldeak eskerrak eman dizkie  Xuga ostatuari,Egia garaikur enpresari eta nola ez, txapelketan parte hartu zuten guziei ere.

Aintzinera begira,Genaro Taldeak hainbat ekintza burutuko ditu, artean apirilaren 20-21eko asteburuan jokatzekoa den Osasuna-Erreala partidura ateraldia antolatzen ari da.lerro hauek idazterako momentuan, artean Espainiako futbol federazioak 32.n jardunaldiko partiduen  egunak eta orduak  finkatu gabeak ditu , baina horren berri izan orduko ateraldiko xehetasunak lotzeari ekinen dio taldeak.

EL RESURGIR DE LA REAL SOCIEDAD | Canal +

Champions-en azkenekoz egon zenetik hamar urte pasa ondoren, Erreala bezalako talde historiko bat berriz ere hoberenen artean egotea lortu du. El resurgir de la Real Sociedad dokumentalean emaitza bikain honen protagonistekin.

Europara bidean... Erreala 4 - 1 Valladolid

ZORIONAK ERREALA! Gaur,Irailaren 7a, egun haundia da;Duela 103 urte,1909.urtean, gaur bezelako egun batez Erreala sortu zen.Talde txuriurdinaren jarraitzaile garenak zorioneko gaude, ez bait dira egunero 103 urte betetzen, eta zer erranik ez, egoera ekonomikoa tarteko,talde bat mantentzea gero eta zailagoa den gizarte hontan. 103.urteurren hau lehen mailan ospatuko dugun bezala, hurrengoak ere hala izan daitezela! ZORIONAK Erreala!

ETBren Kapitainaren homenez egindako erreportaia

Genaro Taldearen oharra

2011-2012 denboraldia amaitzear den honetan,  Genaro Taldeak  talde txuri-urdinaren inguruan eman diren zenbait jarrera eta gertakariekiko desadostasuna adierazi nahi dugu:

 Bakoitzak bere iritzia du eta iritzi hori guztiz errespetagarria iruditzen zaigu baina zenbait jarrera salagarriak iruditzen zaizkigu.

 Hasteko, San Mameseko afera dela eta ez zaigu ongi iruditzen bertan izan ziren jokalariek zale batzuren eskutik  pairatu behar izan dutena; hala nola, irainak, oihuak, txistuak eta bestelakoak. Batetik, jokalariak, pertsona den gisan, bere lan ordutik kanpo bere aisialdia nahi bezala antolatzeko eskubidea du. Bestetik, A8az bestaldeko taldearekin duten harremana naturalki eta positiboki baloratzen dugu.Jokalariak San Mamesera joan izana bi taldeetako jokalarien artean dagoen giro onaren seinale  delako.Hemendik gure animoak eta gure babesa Zuru,Antoine,Toño eta Cadamurori.

 Bestetik, ez dugu bat egiten gure taldeko entrenatzailea den Philipe Montainer-ek zaleen aldetik jasotzen duen esker txarrarekin.Hemen ere bakoitzak bere iritzia izango du baina gure ustez, jaso dituen kritika, txistu eta bestelakoak, zaleen pazientzia faltaren erakusgarri dira.Genaro Taldetik, entrenatzaileak harrobiarekin izan duen konfidantza eta ausardia txalotu nahiko genuke.Denak pozik uztea ezinezkoa dela badakigu eta jokalariren batek edo bestek minutu batzuk gehiago izan balitu  eskertuko genukeela ere ez dugu ukatzen baina lehen urtea du taldean eta egin duenari bere meritua onartu beharra zaio.Mundua bera ere ez zen egun bakarrean egin eta Genaro Taldean behintzat Montainer-en proiektuak zaleen babesa eta konfidantza merezi duela uste dugu

 Honekin lotuz, Anoetan, berez hotza den zelai batean, zenbait zaleren jokaerarekin harritu xamarrak gaude, harritu xamarrak eta triste. Ez dira garai onak Errealzaleontzat, baina alde batetik, nondik gatozen ezin dugu ahantzi: antza, duela bi urte bigarren mailan ginela ahantzi zaio askori. Hemen erreza da taldea ongi ari denean, kamiseta txuri urdina jantzi, Anoetara joan eta taldea animatzea. Baina zaleak une zailenetan ere hor egon behar du! Ez zaigu normala iruditzen, markagailua 0-0ekoan dela atsedenaldira joan eta bertan txistuak entzun beharra; edo pase txar bat egin eta jokalariak  mespretxatzea, hain zuzen ere taldeak gehien behar gaituenean.   

 Besterik gabe, eta gure atsekabea eta desadostasuna adierazita, bukatzeko Errealeko zaleei,  gure kapitainak aurreko batean eskatu zuena eskatu nahiko genieke : pazientzia, pazientzia eta pazientzia!

Eta gure kapitaina aipatu dugun ezkero, azkeneko hitz batzuk: Aupa Mikel! mila esker 20 urte  hauetan taldeari eman diozun guztiarengatik, aldagelan eredu izateagatik, momentu txarrenetan ere hor egotegatik,taldeari eta koloreei erakutsitako fideltasunarengatik,… MILA ESKER MIKEL! Eta zorte on zure bizitza berrian!

 Eta orain bai, besterik gabe,

GORA ERREALA!!!

Genaro Taldea

Erreala-Levante: EZINAREN EKINAZ … EZ EGINA

Atzo jokatutako partidua ongi hasi zuen Errealak, 5 minutuan Velak gola sartu baitzuen Xabi Prietoren pase bati esker.

Partiduko une ulertezinak gero etorri ziren; 10. minutuan Iñigo Martinezek posizioa irabazita baloia garbi kendu zion El Zhar jokalariari baina epaileak penaltia zela erran zuen. Hemendik aitzinera Erreala saiatu zen baina ezinean ibili zen, gainera Levanteren golak min handia egin zuen. Hala ere, Levantek gola sartu aurretik penalti bat izan zen, Levanteren jokalari batek eskuarekin jota, baina epailea mutu ez zuen deus ere adierazi. Atsedenaldia bertan zela Konek gol ikusgarria sartu zuen Farinosen pase baten bitartez, aipatzekoa da Konek egindako partida. 

Beraz atsedenaldian Errealak 1- Levantek 2

Han ginenak kezka bat genuen, taldeak nola hartuko zuen 2. zatia, ongi hasten bazen zaleen laguntzarekin partiduaren bila joateko denbora izanen genuke.

2. zatian taldea partidaren bila joan zen, baina 11. minutuan Elustondok zelai erdian eginiko falta batean 2. txartela horia ikusi zuen eta taldea 10 jokalarirekin utzi. Baina Erreala ez zen kikildu eta partidaren bila joan zen. Pardo eta Ifran sartu zituen.

Pardo berdegunean zela Errealak bixiago jostatzen zuen eta aukerak ere hor egon ziren, Ifranek izandakoa Pardoren pasearekin batik bat. 2.zatia orokorrean Levanteren zelaian jostatu zen eta Levantekoak faltak egin eta egin ibili ziren.

Partidua akaberan Levantek 3. gola sartu zuen eta honekin akitu zen.

Partida honen gako handia epaileak izan zuen eta Elustondoren txartel gorria, ala ere taldea ez zen kikildu eta partidaren bila joan zen.

Gure taldea dena ematen badu ezin zaio deus ere erran horren kontra.

AUPA ERREALA

GENARO TALDEA BATZAR OROKORRA DEIALDIA

GENARO TALDEAKO bazkideei:

Eskutitz honen bitartez Azaroaren 25 ean, ostirala, XUGA ostatuan urteko EZ-OHIKO BATZAR OROKORRA egin behar dugula jakinarazten dizugu.

Gai zerrenda hau delarik:

-Juntako kideen aldaketa.

ORDUA:

-1go konbokatoria: 19:30tan

-2. konbokatoria: 20:00tan

NON: XUGA ostatuan.

Zuen erantzuna baiezkoa delarik agurtzen gara,

I.Ibilaldi Arautua eta senidetze bazkaria , giro ederrean!

Gaur goizean,eguraldi ederra lagun, Errealeko Genaro Taldeak eta Osasunako Bortzirietako Gorriak peñak antolatutako lehen ibilaldi arautua burutu da . Alkaiagako frontoitik hasi eta Lesakako Koxkila ostatuan amaitzen zen bidea egin behar izan dute parte hatzaileek.

13 bikotek hartu dute  parte eta bertan irabazle Berako Eulalia Garmendia eta Faustino Errandonea Beratarrak izan dira, izan ere hauek izan ziren, 2minutu eta 28 segunduko gora beherarekin, 2 ordu, eta 22 minutuko bataz bertzeko denborara gehien hurbildu direnak.

Indarrak hartzeko, ibilbidean zehar pare bat janari/edari postu izan dituzte bertzalde, Ibilaldiaren amairen luntxa eskaini zaie  parte hartzaileei eta ondotik bi peñetako kideek anai arteko bazkari batean senidetze ekitaldi bat egin dugu. amaiera aldera elkarri oroigarriak banatu dizkiogu. Bi peñak elkarlanean antolatzen dugun  lehen ekitaldia izan da  ibilaldi arautuarena. Aurtengoa ikusiz hurrengo urtean berriz ere errepikatzeko gogorik behintzat ez zaigu falta! milesker parte hartzaile guztiei!

Argazki bilduma:

Ibilaldi Arautua

 

     Osasunako Bortzirietako Gorriak Peñak eta Errealeko Genaro Taldeak, elkarlanean, ibilaldi arautua antolatu dute hurrengo ekainaren 5erako.Igande goizez eginen da proba eta bikoteka izanen da.

Ibilaldia Alkaiagako frontoian hasi eta Lesakan amaituko da. Lehenengo bikoteak irteera goizeko 8:30tan eginen du.

     Bertzelako ibilaldiekin alderatuta ibilaldi neurtuak bere berezitasunak ditu. Kasu honetan ez du lehena iristen edo inork baino lehen amaitzen duenak irabazten. Bikote guztien denborekin bataz-bertzeko bat egiten da eta denbora horretara gehien hurbiltzen den bikoteak irabazten du.

     Izen emateko 6 euro ordaindu beharko dira bikoteko, eta hortarako aurrez Lesakako Koxkila eta Berako Xuga ostatuetan izanen duzue aukera, beti ere Ekainaren 4eko arratsaldeko 16:00ak arte. Hala ere, egunean bertan ere izen emateko aukera izanen da, goizeko 8etatik proba hasi bitarte. Hori bai, irteera ordena erabakitzerako orduan lehentasuna izanen dute aurrez izen eman duten bikoteek.

     Ibilbidean zehar indarrak berritzeko jan-edaneko bi postu izanen dire eta helmugan luntxa eskeiniko zaie parte hartzaileei.

     Sariei dagokienean, irabazleek Txapela eta oroigarriak etxeratuko dituzte. Eskualdeko bi taldeek elkarrekin antolatzen duten lehen ekintza izanen da.

Ibilbidea zure ordenagailuan aztertu nahi baduzu, hurrengo fitxategiak deskargatu:

                    Google Earth: helbide ofiziala

                    Ibilbidearen Fitxategia: MartxaArautua.kmz

Genaro Taldearen Bufanda Salgai

Gaurtik aintzinera Xuga ostatuan Genaro Taldearen bufandak eskuratu ahal izanen dire 8€-ren truke.

Partiduetarako sarrerak lortzeko aukera

“GENARO TALDEA “ko bazkideei zuzenduta:

Hurrengo partiduetarako sarrerak lortzeko aukera izanen dituzue.

Liga jardunaldia asteburua bada aurreko asteko igarendera arte eta, azteazkenean bada, aurreko asteko asteazkena arte baduzue sarrerak lortzeko aukerak. Bartzelonaren kontrako partidurako ezingo dire sarrerak lortu.

Sarrera zenbakia oso mugatua da eta GENARO TALDEA-ko bazkide bakoitzak 2 sarrera hartzen ahal ditu gehienez partiduko. Sarrerak eskatzeko behean dagoen e-mailera idatzi behar duzue, izen-abizenak eta telefonoa jarrita.

Hona hemen sarreren prezioak:

Iparraldeko behekoa  20 €

Ekialdeko hego hegala  35 €

Ekialdeko goikoa  50 €

INFORMAZIO GEHIAGORAKO; 

genarotaldea@gmail.com  genarotaldea.blogspot.com

AUPA ERREALA !!!!!!!

II.Genaro Taldea Mus Txapelketa

Aspaldi da ez dugula bloga berritu, baina ez pentsa  denbora luze hontan  besoak  gurutzaturik egon garenik! Genaro Taldeak ekintzak antolatzen darrai. Abenduaren 26an, adibidez, eguberri egunaren biharamunari aurre egin eta aurten ere Genaro Taldeak antolatutako   mus txapelketa jokatu zen. bigarren aldia da txapelketa hau burutzen dena eta aurtengoan ere antolatzaileak konten egoteko moduan gaude.  34 bikotek hartu zuten parte ,  hain zuzen ere joan den urtean baino bikote gehiagok.Lehen aldian bezala, hontan ere , kanporaketak Berako Errekalde, Xuga eta Fa(i)del ostatuetan jokatu ziren eta ondotik bertako irabazleek azken fasea Xuga Ostatuan. lehen saria, Etxalarko­ Herriko Ostatuan dastatze menua, Iratxe Ordoki eta Txema Otxotekok jaso zuten. Bigarren saria, Genaro Taldeak oparitutako Gabonetako saski bat, Karlos Pon­bar­ eta Koldo Oiartzabalentzat izan zen eta hirugarren saria, Comercial­ Sa­trus­tegik oparitutako 6 botil txanpain, Agustin Olaziregi eta An­tton Eskuderoren­tzat.

Genaro taldeak eskerrak eman nahi dizkie txapelketa hau antolatzen lagundu duten guztiei, hala nola
Etxalarko Herriko Ostatuari, Jesus Mari Satrustegiri, Xuga,Errekalde eta Faidel ostatuei eta nola ez , parte hartzaile guzieri, azken finean hauek gabe txapelketa hau antolatzea ezinezkoa litzatekeelako.

Orain Genaro Taldeak Mus txapelketa bukatu eta  aintzinera begira hainbat ekintza antolatzen dihardu,...baina hoien berri aintzinerago emanen dugu, bidenabar ongi segi eta AUPA ERREALA!!

BARTZELONAKO BIDAIA (2010-xii)

Pasa de Abenduaren 11 eta 12an GENARO TALDEAko kideak Bartzelonara joan ginen, 30 bat lagun bildu ginen Bartzelona-ERREALA partidua ikustera joateko. Iamotenea pareko, Toki Ona, aparkalekuan genuen hitzordua eta goizeko 9ak aldera atera ginen. Bidean geldiune bat egin genuen eta arratsalderako han ginen.

Behin gauzak hostalean utzita, partiduaren aitzineko gaua bizitzera atera ginen, eta a ze gaua!!!! errealtzaleak non-nahi eta gu tartean gozatuz.

Hurrengo egunean, partiduaren eguna, bazkaltzera atera ginen. Bazkaria La taverna del Born-en egin genuen, gure sorpresa hemen agertu zen; paperezko mantelatan Berako txistorra bertan jaten zela ageri baitzen, non eta Bartzelonan. Bazkaria umore ederrean pasa genuen eta, nola ez, Berako txistorra jan genuen.

Behin bazkari ederraz gozatu eta gero, Errealeko jokalariak zauden hotelera animatzera hurbildu ginen. Ez ginen Donostian baina Bartzelonako kaleak Donostiako alde zaharra ziruditen, ZE GIRO BIKAINA.

 Partidaren ordua iritsi zen eta han geunden eskailerak goitu eta goitu gure eserlekuetara joateko. Gu jarri ginen tokian 500 bat errealtzale ginen, animatuz eta animatuz. Partidua nola akabatu zen denok dakigu, baina emaitza guttienekoa zen, ERREALA GUZTIAREN GAINETIK BAITAGO!!!!

Partidua amaitu zenean autobusa hartu eta goizeko 6 t’erdiak  aldera Beran ginen.

BADALONAKO ATOTXA PEÑARI (Loren,David eta bertzeak) eskerrak eman nahiko genieke, Bartzelonan egon ginen momentu oro gurekin egon baitziren.

AUPA ERREALA !!!!!

UNAI ETA GENARO BETI GUREKIN !!!!!

BARTZELONAKO ARGAZKI GEHIAGO

argazkiak: Jon Altzuguren. 

Genaro tardearen II. mus txapelketa

"GENARO TALDEA"k hurrengo Abenduaren 26-an MUS TXAPELKETA antolatu du.

Berako Xuga, Errekalde eta Fidel ostatuetan jokatuko da.

Apuntatzeko egunan bertan 16:00ak baino lehen Xuga ostatuan.

Sariak hauek direlarik:

1go saria dastaketa menua 2 lagunentzako ETXALARKO HERRIKOAN

2.saria Eguberritako saski bana

3. saria cava lote bana ( Comercial Satrustegui-ren eskutik)

ANIMA ZAITEZTE

BARTZELONARA BIDAIA !!!

"GENARO TALDEA"k jadanik denboraldi honetako ekitaldia bat antolatua du.
Hurrengo ABENDUAREN 11-12 bitarteko datetan BARTZELONARA joatea hain zuzen ere.

Data hauetan BARTZELONA- REAL SOCIEDAD futbol partida jolastu behar dute eta GU han egonen gara erreala animatzeko eta partiduataz disfrutatzeko.

GENARO TALDEKO BAZKIDEAK: 120€   EZ-BAZKIDEAK: 150€

(AUTOBUSA+ GAUA BARTZELONAN + PARTIDUKO SARRERA)

APUNTATZEKO: XUGA OSTATUAN, Azaroak 16a baino lehen.



ANIMATU !!!!!!!

GOAZEN ERREALA, GOAZEN TXAPELDUN !!!!!

OMENALDIA UNAI ZELAIETA / JON IRAZOKIREN XV. MEMORIALA

Egun hunkigarria bizitu genuen Abuztuaren 28an Matzada futbol zelaian.
Bertan Gure-txokoak, Beti-gaztek eta Errealeko Jubenilen talde nagusiak, Unai Zelaietaren eta Jon irazokiren omenezko triangularra jolastu zuten. Partiduetako emaitzak hauek izan ziren:

GURE TXOKOA 2 -  BETI- GAZTE 1
BETI-GAZTE   1  -   ERREALA 1
GURE-TXOKOA 0  -  ERREALA 2

Beraz irabazlea ERREALA izan zen. noski,GENARO TALDEA- rentzat emaitza guttienekoa izan zen.baina ZORIONAK Irabazleei!

Hona hemen omenaldia eta memoriala laburbiltzen dituen argazki bildumarako lotura:



http://www.flickr.com/photos/genarotaldea/sets/72157624858420320/


GENARO TALDEAko kideok eskerrak  eman nahi dizkiegu Gure txokoari eta Jon Irazoki zenaren familiari, Unairi egin nahi genion (eta egin diogun)Omenaldi xumea dela eta  ekitaldia XV.JON IRAZOKI MEMORIALAren barne egiteko prest agertu direlako. 

bertzetik,GURE-TXOKOAKO, BETI-GAZTEKO ETA ERREALEKO JOKALARIEI ere gure eskerrik beroenak, bertan parte hartzeagatik! laister hasiko duten denboraldi berrian zorte ona opa diegu hiru taldeei.

Akitzeko,GURE-TXOKOAKO juntakoak ere ezin ahantzi, euren onarpenik gabe omenaldi hau ezingo litzatekelako aintzinera ateri. aurrerantzean ere halako ekimen gehiagotan elkarlanean segituko dugulakoan gaude.BIHOTZEZ  ESKERRIK ASKO DENEI!!!!!!

GENARO ETA UNAI BETI GUREKIN !!! 

JON IRAZOKI GOGOAN ZAITUGU !!!